Ինքնաներկայացման հմտություններ

Ինքնաներկայացման դերն անգնահատելի է ինչպես անձնական, այնպես էլ մասնագիտական ոլորտներում հաջողության հասնելու համար: Աշխատանքային շուկայում մրցունակ լինելու, համապատասխան աշխատանք գտնելու և հարցազրույցներին լավագույնս ներկայանալու, ինչպես նաև անձնական կյանքում ես-կերպարի ադեկվատ դրսևորման և հաջողության հասնելու համար անհրաժեշտ է տիրապետել ինքնաներկայացման հմտություններին:

Թրեյնինգի ընթացքում մասնակիցները պատկերացում կկազմեն, թե ինչ է ինքնաներկայացումը, կտեղեկանան նրա անհրաժեշտության ու նպատակայնության մասին, կծանոթանան անձնային և մասնագիտական ինքնաներկայացման նրբություններին, կիմանան նրա ձևավորման փուլերի, արդյունավետ կառավարման առանձնահատկությունների և մարտավարությունների մասին: Թրեյնինգի ընթացքում տարբեր իրավիճակներում հայտնվելու շնորհիվ` կստուգվեն նրանց ես-կերպարի կառավարման, հաղորդակցման, աշխատանքի ընդունվելու ռազմավարության ընտրության հմտությունները, ինչի շնորհիվ կապահովվի նրանց ինքնաներկայացման հմտությունների ու դրա բաղադրիչների արդյունավետության բարձրացումը:

Նպատակն է նպաստել`

• նպատակային ինքնաներկայացմանը,
• դրական տպավորության ստեղծմանն ու կառավարմանը,
• ինքնաներկայացման և ինքնակառավարման հմտությունների զարգացմանը,
• հաղորդակցման հմտությունների զարգացմանը,
• փոխըմբռնման ու հաջողության ձեռքբերմանը:

Մեթոդներ` հոգեբանական, ինտերակտիվ և ակտիվ մասնակցային:

Արդյունքներն են`

• ինքնաներկայացման հմտությունների ստուգում,
• ինքնաճանաչման հնարավորության ձեռքբերում,
• հարցազրույցին ճիշտ ներկայանալու հմտությունների մշակում,
• ինքնաներկայացման հմտությունների զարգացում,
• պիտանելիության զգացման ապահովում:

Թիրախային խումբ` ուսանողներ, աշխատանք փնտրողներ, աշխատանքի տեղավորման գործակալությունների ներկայացուցիչներ:

Վարող` հոգեբան, թրեյներ Սոնա Գրիգորյան:

Աշխատանքային լեզու` հայերեն:

Մասնակիցների քանակը` 15-20 հոգի:

Ամսաթիվ` ըստ խմբի հավաքագրման:

Տևողությունը` 6 ժամ:

Արժեքը՝ 8 000 ՀՀ դրամ:

Կոնտակտային տվյալներ