Հոլոտրոպ շնչառություն

Հոլոտրոպ շնչառությունը (հուն.՝ holos-ամբողջ և trepein-ուղղությամբ շարժվել) շնչառությունն է, որը տանում է ամբողջության:

Հոգեթերապիայի, ինքնաճանաչման և անձնային աճի բոլոր պրակտիկաներից հոլոտրոպ շնչառությունը, թերևս, գիտակցության անսովոր վիճակների բուժիչ և ճանաչողական հնարավորությունների մեջ ընկղման ամենատարածված մեթոդն է:

Տվյալ մեթոդիկայի հեղինակներն են համարվում տրանսպերսոնալ հոգեբանության հիմնադիրներից մեկը՝ Ստանիսլավ Գրոֆն ու նրա կինը՝ Քրիստինան, որոնք սահմանեցին հոլոտրոպ շնչառության նպատակը որպես <<հոգեկան ապաքինում, որը, որպես կանոն, կատարվում է հուզական և ֆիզիկական լարվածությունների և արտամղված հիշողությունների ազատագրման (ինտենսիվ շնչառության և տրամադրող երաժշտության) և գիտակցության հետ վերամիավորման միջոցով>>:

Հոլոտրոպ շնչառության սեանսի հիմնական տարրերն են համարվում առավել խորը և առավել արագ կապակցված շնչառությունը, խթանող երաժշտությունը և ինքնաբուխ ներգրավվածությունն երևան եկած փորձի հոսքի մեջ՝ անհատակն օգնականի (սիտտերի) մասնակցությամբ, որը պետք է աջակցի շնչառական սեսսիայի առավել արդյունավետ ընթացքին: Հոլոտրոպ շնչառության սեսսիայի մասնակիցները կարող են բացահայտել և ապրել խորը տրավմաներ, կոնֆլիկտներ և կենսական իրադրություններ, որոնք դարձել են հիվանդության պատճառ, և ազատվել դրանցից: 

Հոլոտրոպ շնչառության մեթոդը հատկապես արդյունավետ է սթրեսների, նևրոզների, վնասակար սովորությունների և կախվածությունների, հոգեմարմնական և հուզական խանգարումների հետ աշխատանքի ժամանակ, ինչպես նաև որպես վերականգնողական և հոգեպրոֆիլակտիկ մեթոդ: Կիրառվում է կրեատիվ և ոչ ստանդարտ որոշումների որոնման, ստեղծագործական հաջողությունների նվաճման համար:

Ինքը՝ հոլոտրոպ շնչառության սեսսիան անմիջականորեն բաղկացած է մի քանի մասերից.

• հրահանգներ, տրամադրումներ և նախապատրաստություններ ռելաքսացիոն (թուլացնող) տեխնիկաներով,
• հենց հոլոտրոպ շնչառությունը,
• փորձի ինտեգրացիա(նկարչություն և արտասանություն խմբում կամ հրահանգչի հետ):

Հոլոտրոպ շնչառության սեսսիայի մասնակիցները կարող են տեսնել հուզականորեն լիցքավորված տեսողական պատկերներ, զգալ էներգիա, որը անցնում է նրանց մարմնով, ձեռք բերել ինտուիտիվ մտածողություն և պարզություն մտցնել իրենց կյանքի որոշակի դժվար լուծելի խնդիրների մեջ: Հաճախ մասնակիցները պատմում են, որ լիցքաթափել են կուտակված լարվածությունը, հույզերը, որոնք կապված են հին տրավմայի հետ, որ մեծացել է նրանց վստահությունը իրենց անձի և մարմնի նկատմամբ, և որ նրանք զգում են, որ հասկացում են ձեռք բերել և այժմ կարող են հաղթահարել վարքի հին նմուշները, որոնց գործունեությունը կրում էր անցանկալի արդյունք:

Ամենակարևոր արդյունքը գիտակցության հսկայական ազատագրումն է ներքին զսպանակներից, արգելքներից, չգիտակցված վախերից, տարբեր հոգեկան լարվածություններից: Դուք ձեր անգիտակցականից ստանում թույլտվություն եք ստանում ամենահամարձակ քայլերի դիմել ինքնաիրացման, ստեղծագործական ինքնարտահայտման և ինքնադրսևորման մեջ:

Կարճատև արդյունքներն առողջ մարդկանց համար, որպես կանոն, դրական են՝ առույգություն, լավ տրամադրություն:

Նյութը պատրաստել է հոգեբան Արմենուհի Խաչատրյանը, 2015 թ.