Ի՞նչ դառնալ. հուշում են հոգեբանները

Գրեթե յուրաքանչյուրն իր կյանքում վաղ թե ուշ բախվում է մի կարևոր հարցի՝ ինչպիսի՞ մասնագիտություն ընտրել:
Իրականում քչերը գիտեն, որ այս կարևոր գործընթացը ճիշտ լուծում գտնելու համար, որպես կանոն, պահանջում է հոգեբանական օգնություն, խորհրդատվություն, աջակցություն: Հարկ է նշել, որ այս հարցն արդիական է ոչ միայն երիտասարդության, այլև մեծահասակների համար, քանզի գաղտնիք չէ, որ հաճախ մարդն իր կյանքի ընթացքում փոխում է իր գործունեության ոլորտներն և մասնագիտությունը: Սակայն, միշտ չէ, որ մասնագիտության ընտրությունը նույնիսկ հասուն տարիքում հանդիսանում է խնդրի ճիշտ լուծում: Սխալ ճակատագրական որոշումներից զերծ մնալու ամենաճիշտ տարբերակը մասնագիտական կողմնորոշումն է, որը մասնագիտությունների աշխարհի հետ ծանոթացման և մարդու անձնական կարողությունների միջոցով կողմնորոշման միջոցառումների համակարգ է:  

Մասնագիտական կողմնորոշումը մարդկանց գիտակցական ինքնորոշման գործընթացի գիտականորեն հիմնավորված կառավարումն է՝ աշխատանքում նրանց անձնական պահանջմունքների և աշխատանքային ռեսուրսների արտադրության մեջ հասարակական պահանջների բավարարման նպատակով: Մասնագիտական ինքնորոշման գործընթացը բաղկացած է մի քանի փուլերից, իսկ մասնագիտության ընտրության անհատական փորձը՝ չնայած իր ողջ բազմազանությանը, ունի որոշակի ընդհանուր կառուցվածք, որը ներառում է՝ ընտանիքի ավագ անդամների, հասակակիցների, ուսուցիչների դիրքորոշումները, անձնական մասնագիտական պլանները, ընդունակությունները, որպես աշխատանքի սուբյեկտ՝ զարգացման նվաճված մակարդակը, հասարակական ճանաչման հավակնությունների մակարդակը, տեղեկացվածությունն և մի շարք այլ գործոններ: Մասնագիտական կողմնորոշումն իրականացնում է անհատական և հասարակական տարբեր ֆունկցիաներ, որոնցից են՝ սոցիալական, հոգեբանա-մանկավարժական, բժշկա-ֆիզիոլոգիական, տնտեսական ֆունկցիները:

Կարևոր է նշել որ մասնագիտության ճիշտ ընտրությունն և դրան ուղղված մասնագիտական կողմնորոշումը կարևոր է ոչ միայն անձի, այլև ողջ հասարակության ամբողջական զարգացման տեսանկյունից: Այդ իսկ պատճառով «Աճ» անձի և բիզնեսի զարգացման կենտրոնը մեծ կարևորություն է տալիս այս հարցին և պարբերաբար անցկացնում միջոցառումներ, նվիրված մասնագիտական կողմնորոշման թեմայի լուսաբանմանն և ներկայացմանը հասարակության լայն շրջանակներին: 

«Այս տարի կենտրոնը շարունակել է իր լայնածավալ լուսվորչական աշխատանքները հոգեբանական ոլորտում և, իհարկե, հատուկ ուշադրություն է դարձրել մասնագիտական կողմնորոշման թեմային, քանի որ մասնգիտության ընտրությունը հսկայական ազդեցություն ունի մարդու ողջ կյանքի վրա, առաջին հերթին՝ անձի ինքնակայացման և ինքնառեալիզացման տեսանկյունից», - նշեց «ԱՃ» կենտրոնի տնօրեն, հոգեբան-հոգեթերապևտ Արմինե Ավագյանը: